EpiLASIK

EpiLASIK-ის მიმდინარეობა

• თვალს აყუჩებენ საანესთეზიო წვეთებით.
• თვალის გარშემო არეს წმენდენ და სტერილური საფარით ფარავენ.
• თვალის დახამხამების თავიდან ასაცილებლად ქუთუთოებს ხსნიან „ბლეფაროსტატად“ წოდებული ინსტრუმენტით.
• „ეპიკერატომად“ წოდებული ავტომატური ინსტრუმენტით რქოვანას ყველაზე ზედა შრეს — ეპითელიუმს — აცალკევებენ და გვერდზე გადაკეცავენ.
• რქოვანაზე ლაზერი ტარდება.
• ეპითელიუმს რქოვანაზე უკან აფარებენ.
• თვალზე უდიოპტრიო კონტაქტურ ლინზას ადებენ და ანტიბიოტიკიან წვეთებს აწვეთებენ.
• ბლეფაროსტატს თვალიდან იღებენ და პროცედურა სრულდება.

EpiLASIK-ის შემდეგ მხედველობა 3–5 დღეზე ადრე არ ხდება მკაფიო. პროცედურის დროს რქოვანაზე დადებული კონტაქტური ლინზა თვალში 3 დღე რჩება. ამ პერიოდში თვალში გარკვეული ტკივილი აღინიშნება.

EpiLASIK-ის შესაძლო გართულებები

• ნარჩენი დიოპტრია (არასაკმარისი/ჭარბი კორექცია)
• ეპითელიუმის შრის არათანაბარი გამოცალკევება: ამ შემთხვევაში ეპითელიუმს უკან აფარებენ და ლაზერულ მკურნალობას გადადებენ.
• „ჰეიზი“ (haze): რქოვანას შებურვა (შემღვრევა). მის თავიდან ასაცილებლად კორტიზონიანი წვეთები გამოიყენება. თუ ჰეიზი მაინც განვითარდა, კორტიზონიანი წვეთების გამოყენება მრავალი თვის განმავლობაში გრძელდება.