LASIK: ხშირად დასმული კითხვები

რატომ ატარებენ ოფთალმოლოგები სათვალეს?

ბევრი ოფთალმოლოგია, რომელსაც თავად ან მისი ოჯახის წევრებსა და ახლობლებს LASIK აქვთ გაკეთებული. LASIK მეთოდია, რომლის ეფექტიანობისა და უსაფრთხოების სრულად სჯერათ რეფრაქციული ქირურგიით დაკავებულ ოფთალმოლოგებს.

დავბრმავდები თუ არა LASIK-ის შემდეგ?

სიბრმავე სინათლის აღქმის დაკარგვაა. LASIK-ის შემდეგ ასეთი შემთხვევა აღწერილი არ არის. ყველაზე ცუდი, რაც LASIK-ის შემდეგ შეიძლება მოხდეს, რქოვანას გადანერგვის საჭიროებაა.

დამიბრუნდება თუ არა დიოპტრიები?

LASIK-ის შემდეგ შეხორცება 3 თვეში სრულდება. ამ პერიოდში ირკვევა, დარჩება თუ არა თვალში დიოპტრია, ამის შემდეგ კი დიოპტრიები აღარ იცვლება.

თუ მომავალში კატარაქტის ოპერაცია დამჭირდა, იმოქმედებს თუ არა ეს მასზე უარყოფითად?

არა. ადამიანებს, რომლებსაც ლაზერული მკურნალობა ჩაუტარდათ, კატარაქტის ოპერაციისას არავითარი პრობლემა არ ექმნებათ. მხოლოდ თვალში ჩასადგმელი ლინზის ოპტიკური ძალა გამოითვლება განსხვავებულად.

თუ ლაზერულ მკურნალობას არ გავიკეთებ, ჩემი ახლომხედველობა მომავალში ისედაც ხომ შემცირდება?

არა. ასაკთან ერთად ახლომხედველობის დიოპტრიები არ მცირდება.

თუ ლაზერულ მკურნალობას არ გავიკეთებ, 40 წლის შემდეგ კითხვის სათვალე არასოდეს დამჭირდება, ხომ?

არა. 40 წლის შემდეგ ყველას ახლო მანძილზე აკომოდაცია (ფოკუსირება) უუარესდება. 40 წლის შემდეგ შორი ხედვის სათვალით ან ლინზებით ახლოს მკაფიოდ ვეღარ დაინახავთ.

შემიძლია თუ არა მეორე დღეს სამსახურში წასვლა?

დიახ.

როდის შემიძლია სპორტით დაკავება?

ცურვის გარდა სხვა სპორტით დაკავება მეორე დღიდანვე შეგიძლიათ. ცურვა 3 დღის შემდეგ შეგიძლიათ.

• ამბობენ, რომ უცნობია, რა მოხდება ლაზერული მკურნალობიდან 20–30 წლის შემდეგ, რადგან ამ ოპერაციის დანერგვიდან ჯერ ამდენი დრო არ გასულა.

LASIK 1990 წლიდან ტარდება. შეხორცება 3 თვის შემდეგ სრულდება და შემდგომში ცვლილებები მოსალოდნელი არ არის.